घरजग्गा कर्जा अब आम्दानीकाे ७० प्रतिशतसम्म पाइने नेपाल राष्ट्र बैंकले पछिल्लो समय सुस्त बनेको घरजग्गा कारोबारलाई गति दिन मौद्रिक नीतिको तेस्रो त्रैमासिक समीक्षामार्फत कर्जाको सीमा बढाएको छ । अबदेखि आम्दानीको ७० प्रतिशतसम्म कर्जा पाइने भएको छ । यसअघि आम्दानीको ५० प्रतिशतसम्म कर्जा पाइने व्यवस्था थियो । तर सो कर्जा पाउनको लागि कर चुक्ताको प्रमाणपत्र हुनुपर्नेछ । घरजग्गा आवास संघका अध्यक्ष भेषराज लोहनीले केन्द्रीय बैंकले व्यक्तिको हकमा यो सुविधा दिएको तर घरजग्गा कारोबार गर्ने कम्पनीलाई सो राहत नदिएको बताए । घरजग्गा व्यवसायीले आम्दानीको ८० प्रतिशतसम्म ऋण पाउनुपर्ने माग गर्दै आएका थिए ।

पाँच वर्षमा अर्थतन्त्रको आकार १०३ खर्ब पुर्‍याउने १६ औं योजनाको लक्ष्य राष्ट्रिय योजना आयोगले निकै महत्त्वाकाङ्क्षी लक्ष्य सहित सोह्रौँ आवधिक योजना सार्वजनिक गरेको छ । यो योजनामा अबको पाँच वर्षमा नेपालीको प्रतिव्यक्ति आम्दानी २ हजार ३ सय ५१ डलर पुर्‍याउने लक्ष्य लिइएको छ । मन्त्रिपरिषद् बैठकले मंगलबार १६ औँ योजना (२०८१/८२–२०८५/८६) स्वीकृत गरेको हो। यस्तै ७.३ प्रतिशतको आर्थिक वृद्धिदरको लक्ष्य लिइएको छ । देशको अर्थतन्त्रको आकार १०३ खर्ब पुर्‍याउने लक्ष्य सहित आएको १६ औ योजनाले आफ्नो लक्ष्य भेट्टाउन निकै मेहनत गर्नुपर्ने देखिन्छ । झण्डै दोब्बर अर्थतन्त्र बनाउन सोही अनुसार आर्थिक गतिविधि बढ्नुपर्ने हुन्छ । सक्रिय उमेरको जनसंख्या उच्च हुनु, प्रत्यक्ष…

योगदानमा आधारित सामाजिक सुरक्षा प्रणालीको दायरा विस्तार गरिने सरकारले योगदानमा आधारित सामाजिक सुरक्षा प्रणालीको दायरा विस्तार गर्ने भएको छ । राष्ट्रपति रामचन्द्र पौडेले संघीय संसदको संयुक्त बैठकमा मंगलबार पेश गरेको आगामी आर्थिक वर्षको नीति तथा कार्यक्रमममा योगदानमा आधारित सामाजिक सुरक्षा प्रणालीको दायर बिस्तार गरिने योजना अघि सारिएको हो । नीति तथा कार्यक्रमको बुदाँ नम्बर १७२ मा भनिएको छ, ‘योगदानमा आधारित सामाजिक सुरक्षा प्रणालीको दायरा विस्तार गरिनेछ । सरकारी तथा संगठित क्षेत्रमा कार्यरत अस्थायी, करार, ज्यालादारी कर्मचारीका साथै अनौपचारिक क्षेत्रका श्रमिकलाई सामाजिक सुरक्षामा आबद्ध गरिनेछ । छरिएर रहेका सामाजिक सुरक्षा कार्यक्रमलाई एकीकृत रूपमा व्यवस्थापन गरिनेछ । सामाजिक सुरक्षा कोष कर्मचारी सञ्चय…