लोडसेडिङ हुन्छ भन्ने हल्ला निराधार : मन्त्री बस्नेत ऊर्जा, जलस्रोत तथा सिञ्चाई मन्त्री शक्तिबहादुर बस्नेतले लोडसेडिङ हुन लागेको हल्ला निराधार भएको बताएका छन् । प्रतिनिधिसभा अन्तर्गतको अर्थ समिति बैठकमा बुधवार बोल्दै ऊर्जा मन्त्री बस्नेतले समाचारहरूमा आए अनुसारको समस्या नभएको दाबी गरेका हुन् । उनले केही दिनदेखि भारतसँग विद्युत् खरिद सम्झौता नवीकरण नहुने र अब केही दिनमा लोडसेडिङ हुन्छ भन्ने हल्लामा सत्यता नभएको बताए । मन्त्री बस्नेतले विद्युत् खरिद सम्झौतामा हरेक वर्ष प्रतिस्पर्धी बजारबाट बिजुली ल्याउन नवीकरण गर्नुपर्ने भएकाले सरकार त्यो प्रक्रियामा रहेको उल्लेख गरे । उनले बाहिर आए जस्तो भारतले विद्युत् आयात गर्ने अनुमति नवीकरण नगर्ने भन्ने अवस्था नभएको बताए…

नेपालमा लगानी गर्न रुसी उद्याेगीकाे चासाे लगानी सम्मेलन नजिकिँदै गर्दा रुसका उद्योगी व्यवसायीले नेपालमा लगानीका क्षेत्रबारे चासाे राखेका छन् । रुसी उद्याेगीको एक टाेली लगानीकाे सम्भावना अध्ययन गर्न बिहीबार नेपाल आउने भएकाे छ । अर्थमन्त्री वर्षमान पुनसँगकाे भेटमा नेपालका लागि रुसी राजदूत अलेक्सेई ए. नोभिकोभले रुस उद्योग वाणिज्य संघको नेतृत्वमा रुसी व्यवसायीको टोली नेपाल आउन लागेको जानकारी गराएका हुन् । भेटमा पुनले ठूला जलविद्युत आयोजना र रासायनिक मल कारखानामा लगानी गर्न रुसलाई आग्रह गरे । ‘हामीले विद्युतका लागि अन्तर्राष्ट्रिय बजारको सुनिश्चितता गरिसकेका छौं, नेपालको जलविद्युत क्षेत्र अन्तर्राष्ट्रिय लगानीकर्ताका लागि उपयुक्त क्षेत्र हो’, मन्त्री पुनले भने, ‘सरकारले स्वदेशमै रासायनिक मल कारखाना…