सुनकाे मूल्य प्रतितोला २ लाख ६० हजार ७ सय रुपैयाँ सोमबार पनि सुनको भाउले नयाँ रेकर्ड क्रम जारी राखेको छ । अघिल्लो दिनको तुलनामा आज सुनको भाउ प्रतितोला १ हजार ९ सय रुपैयाँ बढेको छ। नेपाल सुनचाँदी व्यवसायी महासंघले यस दिन सुन प्रतितोला २ लाख ६० हजार ७ सय रुपैयाँ मूल्य तय गरेको छ । यो मूल्य हालसम्मकै उच्च हो । यसअघि असोज ३१ गतेको मूल्य रेकर्ड अघिल्लो दिन आइतबार मात्रै तोडिएको थियो । अघिल्लो दिन २ लाख ५८ हजार ८ सय रुपैयाँमा सुनको कारोबार भएको थियो । त्यसअघि असोज ३१ गते सुनको भाउ २ लाख ५८ हजार रुपैयाँ पुगेको…

साढे ८ तोला सुन बोकेको भेटिएपछि निगमका विमान परिचालक तिवारी निलम्बित नेपाल वायुसेवा निगम (नेवानि) ले विमान परिचालक (स्टेवार्ड) सन्देश तिवारीलाई निलम्बन गरेको छ । २७ नोभेम्बरका दिन ‘आरए २४०’ दोहा-काठमाडौं उडान क्रममा १ सय ग्राम (साढे ८ तोला) सुन बोकेको देखिएपछि उनी छानबिनमा परेका छन् । छानबिन नसकिएसम्म वा बढीमा तीन महिनासम्म निलम्बन गर्न सकिने कानुनी प्रावधान अनुसार उनी निलम्बनमा परेको नेवानिले जनाएको छ । उनले साथमा १ सय ग्राम सुन बोकेको दोहा विमानस्थलका सम्बन्धित भन्सार पदाधिकारीको सोधपुछ तथा खानतलासीका क्रममा पुष्टि भएको थियो । दोहास्थित स्टेसन म्यानेजर समेतको रोहवरमा समस्या समाधान गर्ने क्रममा उक्त उडान ३०/३५ मिनेट ढिला…

लाइन जाेडेका उद्योगीहरूसँग प्राधिकरणले माग्याे दोस्रो किस्ता नेपाल विद्युत् प्राधिकरणले डेडिकेटेड फिडर तथा ट्रंकलाइनको बक्यौता विवादमा पहिलो किस्ता बुझाएर लाइन जोडेका उद्योगीहरूसँग फेरि दोस्रो किस्ता रकम माग गरेको छ । प्राधिकरणका वितरण केन्द्रहरूले मंगलबारदेखि सम्बन्धित उद्योगहरूलाई पत्राचार गर्दै दोस्रो किस्ता पनि बुझाउन पत्र पठाएका हुन् । प्राधिकरणका कार्यकारी निर्देशक मनोज सिलवालले डेडिकेटेड फिडर तथा ट्रंकलाइनको पहिलो किस्ता बुझाएका उद्योगलाई दोस्रो किस्ता पनि समयमा बुझाउन ताकेता सुरु गरिएको बताए । उनले भने, ‘बक्यौता विवाद अब समाधान उन्मुख रहेकाले पहिलो किस्ता तिर्ने उद्योगहरूले दोस्रो किस्ता पनि तिर्नेमा हामी आशावादी छौँ । त्यही आधारमा पत्र पठाउन थालेका हौँ ।’ उद्योगीहरुका अनुसार प्राधिकरणले पठाएको…